Þar sem TEDx heppnaðist alveg frábærlega þá væri alveg upplagt að halda áfram og endurtaka leikinn. Eins mætti gera meira úr þessu og einnig þeim fyrirlestrum sem voru haldnir á TEDx. Eitthvað af þessu öllu saman mætti svo á endanum komast alla leið í sjónvarpið, enda frábært efni sem bætir og kætir. Fullt af góðum fyrirlesurum á Íslandi, fullt af tækifærum.

TEDx Reykjavík þann 6. okt síðastliðinn var svo ótrúlega jákvæður og skemmtilegur viðburður og mjög fræðandi. Því fleiri jákvæðir og uppbyggilegir viðburðir á Íslandi því betra. Það þurfti bara að drífa í því að setja upp undirbúningsfund (eins og í fyrra) til að finna fólk sem er tilbúið að taka þátt í að framkvæma. Því fyrr því betra.

Láta næsta TEDx Reykjavík vera með þema sem gengur út á: “Hvernig ég kom hugmyndinni í framkvæmd” Fá flóru af ólíkum frumkvöðlum sem fóru alla leið með sína hugmynd í listum, vísindum, menningu og viðskiptum. Gæti verið innblásturinn sem margir vilja fá þessi misserin.

Nú vantar bara sjálfboðaliðana til að taka þátt í að gera þennan viðburð að veruleika! Meldið ykkur hér!

Tengingin við TEDx vekur athygli en eru reglurnar þeirra of strangar eins og Jón Grétar bendir á í umræðuþræðinum. Hann segir m.a. að TEDx á allan rétt á útsendingum sem gerir það að verkum að erfitt eða jafnvel ómögulegt er að fá þetta birt í sjónvarpi.