Tillagan er sú að Hugmyndaráðuneytið fengi formlega áheyrn frá fulltrúum ríkisstjórnar (Sóknarhópi / fulltrúa Forsætisráðherra) á fundum mánaðarlega eða aðra hverja viku. Ákveðið margir fulltrúar með hæstu ‘karma punkta’ af þessum vetvangi væru ávalt þeir fulltrúar sem færu eða stýrðu því hverjir færu. Gætum sett inn ‘time sensitivity’ inn í karma punkta útreikni líkanið til þess að hafa þessa fulltrúa breytilega eftir þeirri umræðu sem er mest rísandi eða helstu hita mál.

Uppsetning samráðsvettvangs þar sem þingmenn og ráðherrar mæta almenningi. Hugsanlega mætti innleiða hluta af því verkferli sem viðhaft var á þjóðfundinum til þess að taka fyrir og skapa umræður um ákveðin málefni. Hægt að halda þetta 4x á ári og hugsanlega undir merkjum Hugmyndaráðuneytisins – þ.e. þetta væri formlegur fundur þess hóps og kjörinna fulltrúa. Þarna væri hægt að fara yfir þau málefni sem fram hefðu komið t.d. á þessum vef og bera upp spurningar frá almenningi.