Það mætti endilega taka svona fundi upp og jafnvel senda þá út á netinu. Hugmyndin er að leyfa almenningi að bera upp spurningar beint og milliliðalaust, leyfa fólki að kalla til sérfræðinga og hlusta á rökræður þeirra við ráðherra og þingmenn. Búa til vettvang þar sem hægt er að koma málum áleiðis eða bera mál upp sem fæðast t.d. hér á þessum vef. Það ætti að vera hægt að forma fyrirkomulag sem er ekki of íþyngjandi eða silalegt. Þetta ætti að geta gengið nokkuð snuðrulaust fyrir sig og orðið grundvöllur þess að laga ímynd Alþingis. Fundarstjóri þyrfti að vera fagmaður sem gæti beint umræðum í málefnalega átt þar sem tekist væri á með rökum, í stað þess að þetta yrði enn einn vettvangurinn fyrir þrætupólitík sem ég held að flestir séu komnir með leið á. Þarna væri hægt að eyða misskilningi, koma upplýsingum á framfæri o.s.frv.